Giltzen bikoizketan liderraren digitalizazioa
- Digital product and service
- WebApps
- Bezero-plataformak
- User experience
JMAko burdindegiko eta sarrailagintzako giltzak bikoizteko zerbitzua modernizatzen duten bi app sortu dira. Profila irakurtzea, baliokidetasunak bilatzea eta fluxu gidatuetan makinara bidaltzea dira sektoreko profesionalen eguneroko lana bizkortzeko eta akatsak murrizteko diseinatutako funtzionalitateetako batzuk.
Prozesuen digitalizazioa
Bikoizketa profesionalak abiadura, zehaztasuna eta trazabilitatea eskatzen ditu. Burdingintzaren sektorean, katalogo zabalek eta profil ezberdinek zaildu egin dezakete operazioa. JMAk egunean 2,5 milioi giltza ekoizteko gaitasuna duen testuinguru batean, proiektu honen helburua bere funtsezko zereginak teknologiaren bidez bateratzea izan da.
Giltza bat irakurtzetik eta baliokidetasunak bilatzetik, modelo egokia eta kopiaren ebaketa bera hautatzeraino, diseinatutako aplikazioen helburua dendan eta tailerrean B2B prozesua optimizatzea da, zeregin-denborak hobetuz eta akatsak minimizatuz.
Giltza baten irakurketa bateratzea, baliokidetasunak bilatzea eta ebaketa egitea. Hori guztia JMAri produktibitatean eta fidagarritasunean irabazten laguntzen dion esperientzia gidatu baten bidez.
Integrazioa eta eskalagarritasuna
KeyPro app-ak giltza-bilaketa, modeloaren hautaketa eta ebakien konfigurazioa zentralizatzen ditu, eta zuzenean JMAko bikoizketako makina elektronikoekin integratzen da. Horrela, front-end diseinua, Workoholics-en eskutik, gure partner Irontec-ek garatutako softwarearekin eta JMAren makinen ekosistemarekin integratzen da.
Software horretatik abiatuta, erabiltzailearen esperientzia definitzen da, eta elkarrekintza-diseinu bat lantzen da, produkzio-denborak eta prozesuan izan daitezkeen erroreak ahalik eta gehien murrizteko. Tresna diseinatzerakoan, haren osaketa osoa lantzen da, epe ertain eta luzera funtzionalitateak eskalatu ahal izateko.
Bestalde, KeyReader aplikazioa Bluetooth bidez konektatzen zaio irakurleari, giltzaren profila irakurtzeko eta baliokidetasunak berehala proposatzeko. Interfazeak irakurketa gidatzen du, emaitza argiak ematen ditu eta historia eta gogokoak kudeatzeko aukera ematen du. Konektagarritasun mugatuko testuinguru batean jarduteko sortutako aplikazioa da.
Diseinu modularra eta espezifikoa
Osagaien araberako diseinu-sistema bat eraiki da, hierarkia argi batekin eta patroi errepikagarriekin: giltza-fitxa, ebaketa-pasabideak edo konexio-egoerak. Interfazeak irakurgarritasuna, zuzeneko sarbidea eta feedbacka lehenesten ditu egoera kritikoetan: sinkronizazioa, ilara edo offline modua; optimizatuak, bai salmenta-puntuko tabletetarako, bai ekipo teknikoari laguntzen dioten mugikorretarako, sarrailagintzaren sektorean ohikoak diren joan-etorrietan pentsatuz.
Ikusizko hizkuntza bateratu batek murriztu egiten du ikaskuntza-kurba, eta laburtu egiten du eragiketa bakoitza; hala, sarrailagileek edo burdingileek azkar ulertuko dituzte app-aren funtzioak, eta modu intuitiboagoan eta eraginkorragoan egingo dituzte beren eguneroko zereginak.
Proiektuak interakzio-esperientzia eta gaitasun integratzailea uztartzen ditu, etapa bakoitzean espezializazioa emanez: UX/UI, sarrailagintzako profesionalen beharretan fokua jarrita, Bluetooth bidezko irakurketa-gailuekiko konexioa, ebaketa-makinekiko komunikazioa eta backend zerbitzuak.
Irtenbide teknologiko sendoa
Aplikazio hibrido bat da, Angularren, Ionic-en eta Capacitor-en garatua, eta theming sistema pertsonalizagarri bat du, aplikazioaren marka anitzeko irizpideei erantzuteko; lehentasuna ematen zaie tabletetako errendimenduari, Bluetooth konektagarritasunari irakurketa-hardwarearekin eta offline moduari, estaldura mugatuarekin ere lan egiteko. Arkitektura tekniko horrek osagaien araberako bilakaera eta JMAren industria-ekosistemarekiko integrazioa errazten ditu.
- FrontAngular
- Mugikorrentzako framework-aIonic
- Jatorrizko runtimeCapacitor
- KonektagarritasunaBluetooth (BLE) irakurgailuetarako
- PlataformakAndroid / iOS (tablet eta mugikorra)
Kredituak
- Lorea Citores
- Xabier Olazabal
- Naiara Bordería
- Anaitz Cid
- Nerea Gómez
- JMA
