Athletic Clubaren ekosistema digitalaren berritzea, zaleekin konektatzeko estrategia bat

Hamaikako perfektua, mugikorrean ere

Athletic Clubek bere webgune ofiziala eguneratu behar zuen datuekin frogatutako errealitate bati erantzuteko: webgunerako sarbideen % 80 gailu mugikorren bidez egiten da. Egoera horretara egokitutako esperientzia eskuragarria sortzeaz gain, erronka nagusia etengabeko hazkundean eta gero eta dibertsifikatuago dauden jarraitzaileen oinarriarekiko interakzioa eta konexioa areagotzea zen, horretarako azken teknologien erabilerak eskaintzen digun potentzial guztia aprobetxatuz.

Klubaren webgunearen azken eguneraketa handia 2017an izan zen, eta, ordutik, zerbitzuak eta edukia nabarmen aldatu dira. Horrela, plataforma moldagarriagoa eta eskalagarriagoa izateko beharra sortzen da,informazioaren antolaketa birpentsatu behar da eta nabigazio intuitiboagoa garatu behar da, bereziki gailu mugikorretatik.

Birdiseinu integrala arkitektura modular batekin

Athletic-en webgunearen birdiseinuak berrikuspen holistikoa barne hartzen du, bai azpiegitura teknologikoari dagokionez, bai interfazearen diseinuari dagokionez. Horren barruan sartzen da arkitektura modular bat ezartzea, etorkizunean gunea handitzeko eta eguneratzeko aukera ematen duena. Informazioaren banaketa ere berrantolatu da, eskuragarriago egiteko, eta alderdi teknikoak hobetu dira, hala nola karga-abiadura eta modulu interaktibo berrien integrazioa. Athletic Clubeko Digital eta Teknologia arloetako proiektuaren lankidetza iraunkorra izan da, proiektuaren arrakasta bermatzeko lantalde bateratu bat osatuz.