Sare sozialen estrategia digital transbertsala. Nekazaritza eta eraikuntza munduko profesionalekin harremanak sortuz.

Social Media Plana, publiko profesionalarekin konektatzeko ibilbide-orri gisa

Duela 100 urte baino gehiago sortu zenetik, Bellotak merkatuan duen posizionamendua sendotu du, diseinatu, fabrikatu eta merkaturatzen dituen eta belaunaldiz belaunaldi igarotzen diren tresnen kalitatea, gogortasuna eta erresistentzia direla eta.

Fase estrategikoan, proiektuaren abiapuntuan, helburu neurgarriak ezartzen dira, plan taktikoan jasotako ekintzen eraginkortasuna baloratu ahal izateko. Hortik aurrera, xede ditugun publikoak mugatzen ditugu, sare sozialetan Bellota markaren nortasuna definitzen dugu, betiere haren balioei leial izanik, eta lerro grafiko bat ezartzen dugu, zuzentzen diren kategoria eta lanbide-eremuaren araberako tresna-familietara egokitua.

Premisa horren arabera, komunikazio-estrategia global bat diseinatzen dugu, profesional kualifikatuak erakartzeko, eta eduki-plan bat definitzen dugu, Bellotak bezala, erabiltzailea zentroan jartzen duena.

Marka-esperientzia gogoangarri baterako edukiak sortzea

Instagram, Facebook, YouTube, LinkedIn eta TikTok plataformetan lan-tresnen erabileran, horiekin egin daitezkeen lanetan eta aholkularitzan oinarritutako eduki plana hedatzen dugu. Sare sozial bakoitzaren formatu eta kanal aniztasunak eskaintzen digun potentzial guztia aprobetxatzen dugu, Shorts-en tresnen erabilera erakusten duten bideoetatik hasi eta Facebook-eko talde profesionaletan aktiboki parte hartzeraino.

Plan horretatik abiatuta, sareak elikatzen ditugu engagement-a sortzeko, komunitatean eta xede-publikoan interesa pizteko eta Bellotaren filosofia islatzeko gai diren edukiekin. Reel-ak sortzen ditugu tresnen erabilera erakutsiz, produktuen konparaketekin, tresnen erabilerari buruzko aholku eta tipekin, edo komunitatea handitu eta fidelizatzeko aukera ematen diguten zozketak egiten ditugu. Horrez gain, sektore-azoketan parte hartzen duenean ere Bellota-rekin elkarlanean aritzen gara, presentzia fisiko horri zabalkunde handiago emanez kanal sozialetara eramanez, non zuzeneko erakustaldiak edo prestakuntzak egiten ditugun, besteak beste.

Influencer, ekimen eta Bellotaren jarduerarekin lotutako markekin lankidetzak

Nekazaritzarekin eta eraikuntzarekin lotutako edukiak sortzen espezializatutako profilekin bat egiten dugu, eta horiek marka-enbaxadore bihurtzen dira Bellotarentzat. Konfiantza sortzea eta hurbileko publiko berrietara iristea bilatzen dugu, hainbat gairi lotutako lankidetzak abian jarriz: produktu berrien merkaturatzea, tresnen erabilerari buruzko aholkuak, zozketa kolaboratiboak, etab. Gainera, Bellotaren eskaintza osatzen duten markekin kobrandingak egiten ditugu, edo ekimen solidarioekin kolaboratzen dugu.

Merkaturatzerako eta lead-ak jasotzeko kanpainak: profesionalarengandik are gertuago

Erabiltzaile profesionalekin harremanak estutzeko helburu irmoarekin, Active Campaign tresnaren bidez lead-ak erakartzeko kanpainak aktibatzen ditugu. Zuzeneko prestakuntzek, tresnen zozketek edo profesionalen lanari balioa ematen dioten ekimenek, beste balio-eduki batzuen artean, gero eta segmentatuagoa eta kualifikatuagoa den datu-base bat handitzeko aukera ematen digute, horri esker, Bellotari hazten jarraitzen duen lanbide-komunitatearekin harreman zuzena erraztuz, eta komunitate horri bere benetako interesetan oinarritutako edukia eskainiz.

Gainera, merkaturatze-kanpainak planifikatu eta aktibatu genituen Googlen eta Meta Ads-en, markaren nabarmentasuna handitzeko eta trafiko kualifikatua Bellotaren webgunera bideratzeko. Eta etengabe neurtzen dugu egiten dugun guztia analitika digitalari esker, emaitzak berrikusiz eta hobetuz datuek eskaintzen diguten informazioari esker.