Mundu jasangarriagorantz bidaia. Website korporatiboa AZTIrentzat.
- Komunikazioa
Nazioarte mailan erreferentziazko zentro zientifiko eta teknologikoa den aldetik, AZTIren lana gizartean eragin positiboa izango duten proiektuak garatzean datza..
Itsas ingurunean eta elikaduraren sektorean espezializatutako entitatea da, eta bere jarduna Nazio Batuen 2030 Garapen Jasangarrirako Helburuekin erabat lerrokatuta dago.
Ez da AZTIri web korporatiboa diseinatzen eta garatzen laguntzen diogun lehen aldia. Ikasketa prozesuak abiapuntu sendoa ere jarri du proiektua ongi osatzeko, baina, aldi berean, azken produktuari dagokionez geure buruarekin are zorrotzagoak izatea ere eragin du.
Customer journey gida gisa
Webgune berria zerbitzuen eta produktuen portfolio bat baino askoz gehiago da. Komunikazio eta negozio beharrizan zehatzak betetzeko pentsatutako aktibo digitala da, AZTIren jardunari dagokion sektorea dela medio.
Tresna honek ezin hobeto uztartzen ditu bisitari mota desberdinek (bezero potentzialek, hedabideek, ikertzaileek eta abar) aurkitu nahi dutena eta AZTIri kontatzea interesatzen zaiona. Betiere entitatearen azken helburua ahaztu gabe: elkarrekintzan aritzen den publikoek egiten duten customer journeyen fase guztiei erantzuna ematea.
Bihurketara bideratutako web dinamikoa
Diseinu erraz, erakargarri, irisgarri eta erabilgarria duenez, web espazio berriak zuzenean laguntzen du AZTIk dagokion espezializazio eremuan duen posizionamendua hobetzen. Oso dinamikoa da albiste ugari sortzen dituelako eta makina bat ekitalditan hartzen duelako parte; hala, webguneak AZTIren kasu arrakastatsuak, gaitasunak, produktuak eta zerbitzuak aurkezten ditu Nazio Batuen 2030 Garapen Jasangarrirako Helburuetara bideratutako edukien egituraren ardatz gisa.
Nabigazio sistema argia da eta bihurketara bideratuta dago; hala, webgunea bisitatzen duten pertsonek AZTIk eskaintzen dituen zerbitzu eta produktuetatik mugi daitezke horiei lotutako arrakasta kasu eta proiektuen bidez, elementu horiek erraztu egiten baitute erabakiak hartzea eta leadsak batzea eta negozio aukerak sortzea sustatzen dute.
Gaurkotasunaren pisuak eta bihurketara bideratzeak markatzen dute AZTIren webgunearen estrategia.
