Musikaren boterea. Website korporatiboa sektoreko erreferente argi batentzat.
- Komunikazioa
Last Tourren webgune korporatiboa birdiseinatzeko proiektua helburu argi batekin sortu zen: web espazio dinamiko eta moldakorra sortzea, gai izango dena konpainiaren know-how osoa transmititzeko eta sustatzailearen etengabeko jarduna biltzeko, 15 urte baino gehiagoko ibilbidea egin ondoren musika industriaren erreferente argia baita hemen zein nazioartean.
Last Tourren zerbitzu eta produktuen portfolioa zabala da, eta albisteak etengabe sortzen ditu; horrek erronka handia ekarri zigun. Erronkari inpaktu bisual handiko interface diseinu irmoarekin erantzun diogu; diseinu horri gehitu behar zaio erabiltzaileari informazio garrantzitsuena modu argi eta ordenatuan gerturatzeko pentsatutako web arkitektura. Galtzea ezinezkoa da.
Artisten katalogo eta ekitaldien agenda baino askoz gehiago
Worköholicsek Irontecekin batera garatutako aktibo digital berria bihurketara erabat bideratuta dago, eta erabiltzaileei Last Tourrek sustatutako ekitaldi eta kontzertuetarako sarrerak erosteko aukera emateko pentsatu da.
Artistak ezagutzea, sustatzea eta ordezkatzea da gure bezeroak garatzen duen beste jardueretako bat, arrakastaz garatu ere. Last Tourren taldeen, bakarlarien, DJen zein bestelakoen katalogo zabalak presentzia nabarmena behar zuen webgune berrian, artista horiek kontratatzea sustatze aldera.
Last Tourrek antolatutako ekitaldietarako sarrerak saltzea zein artistak kontratatzea sustatzea eta erraztea da proiektuaren lehentasunetako bat.
Jaialdiak, marketina, are diskoetxe bat ere.
Hain zuzen ere, Last Tourrek sei musika jaialdi sustatu eta antolatzen ditu: Bilbao BBK Live, Azkena Rock Festival edota BIME ekitaldi jendetsuenen adibide batzuk baino ez dira; oraingoz, behintzat, itxaron egin beharko dugu urtero gerturatzen zen jende andana berriz ere jasotzeko. Bitartean, Last Tourren webgunearen ataletako bat osatzen dute; bertan hibernatzen ari dira, inoiz baino indartsuago itzuli ahal izateko.
Bokazio globala duen webgunea
Musika sustatzaileak bokazio globala duen webgune eleanitza du orain; etengabeko bilakaeran eta oso dibertsifikatuta dagoen negozio honen beharrizanei erantzuna ematen dien webgunea da. Jaialdiak, agenda, gaurkotasuna, prestakuntza, marketin zerbitzuak, informazio korporatiboa, espazio eta esparruen ustiapena, prentsa atala edo diskoetxeak, Oso Polita bezalakoa. Den-denei egin diegu tartea Last Tourren webgune korporatibo berrian.
Last Tourren webgune berriak etengabeko bilakaeran eta oso dibertsifikatuta dagoen negozio ereduari erantzuten dio.